Հանգստյան տան խոհանոցի վարպետ խոհարարների պատրաստած համեղ ու ախորժելի կերակրատեսակները կարելի է վայելել թե հանգստյան տան ներսում, հաճելի միջավայրում՝ ժամանակակից կահավորմամբ մաքուր ու լուսավոր ճաշասրահում, ամռանը՝ նաև բացօթյա սրճարանում, և թե՛ բնության գրկում, քանի որ ցանկության դեպքում տրամադրվում են լանչ բոքսեր: Վերջինս նախընտրողների թիվն, ի դեպ, տարեցտարի ավելանում է, քանի որ Ջերմուկի հարուստ բնությունը, թթվածնով հարուստ մաքուր օդն ու կենարար հանքային ջուրը նպաստում են ախորժակի բարձրացմանը: Ջերմուկում հանգստանալիս, սննդարար ու օգտակար սնունդ ընդունելով, մի քանի շաբաթում, անգամ առանց հատուկ բուժական գործընթաց անցնելու, կարելի է վերականգնել տարվա ընթացքում կորսված ուժերն ու ամրապնդել առողջությունը:
Պահել
Ջերմուկի «Վերոնա» հանգստյան տանը համարների համար առաջարկվող գնային փաթեթի մեջ ներառված է 3-անգամյա սնունդ: Հյուրերն օգտվում են շվեդական սեղանից, որի ամենակարևոր առանձնահատկությունը սննդատեսակների բազմազանությունն ու առատությունն է: Ճաշացանկը պատրաստելիս հանգստյան տան խոհարարները հաշվի են առնում բոլոր հանգամանքները: Սնունդը պետք է լինի միշտ թարմ, էկոլոգիապես մաքուր, առողջարար, նաև ինչ-որ առումով՝ դիետիկ, քանի որ առողջարանային Ջերմուկ քաղաք գալիս են ոչ միայն հանգստանալու, այլև՝ զուգահեռաբար բուժվելու, ընդունելու հանքային բուժիչ ջուր, երբեմն նաև՝ ոչ ստացիոնար պրոցեդուրաներ քաղաքի տարբեր առողջարաններում, հետևաբար սնունդը պետք է լինի նաև դիետիկ ու համակցված ջրաբուժական պրոցեդուրաների հետ:
Կարդալ ավելին
