Զբոսաշրջությունը Հայաստանում
Հայաստանը անդրկովկասյան փոքրիկ երկիր է՝ հինավուրց պատմությամբ, հարուստ մշակութային ժառանգությամբ և զմայլելի բուսական աշխարհով: Եթե դուք տուրիզմի սիրահար եք, ապա այս փոքրիկ հողատարածքի վրա կհանդիպեք շատ հետաքրքիր ու զարմանալի կոթողների:
Դրանցից են պատմամշակութային հինավուրց հուշարձանները, միջնադարյան ճարտարապետության նմուշները, մշակութային ու կրոնական զանազան կառույցները:
Կան նաև ժամանակակից դարաշրջանի կառույցներ: Հայաստան այցելած զբոսաշրջիկները տուրերի ընթացքում ծանոթանում են Հայաստանի բազմաթիվ այլ տեսարժան վայրերի հետ:
Հայաստանում հանգստանալու համար Ձեզ կառաջարկվեն բարձրակարգ հյուրանոցներ, հյուրատներ, քոթեջներ, մասնավոր տներ քաղաքներում կամ գյուղական վայրերում: Կարելի է ընտրել նաև առողջարաններ՝ հատկապես Ջերմուկում, որտեղ շատ են ջրաբուժական ժամանակակից առողջարանները:
Ջերմուկում Դուք կարող եք ոչ միայն լավ հանգստանալ, այլ ամրապնդել առողջությունը: Հանրապետության այլ շրջաններում նույնպես կան հանքային ջրի աղբյուրներ:
Հայաստանում զարգանում է սպորտային տուրիզմը, կազմակերպվում են միջազգային առաջնություններ, տարբեր միջոցառումներ:
Զբոսաշրջության և ակտիվ հանգստի սիրահարների համար այստեղ կա մեծ ընտրություն. կարելի է և՛ լեռներ մագլցել, և՛ գետում լողալ… Կարելի է նաև մասնակցել ձիարշավների, հետիոտն ու արշավների:
Ձմռանը կարելի է հիանալի ժամանակ անցկացնել Ծաղկաձորում: Սա հիանալի վայր է կվադրոցիկլ ու ձնեգնաց քշելու համար: Այստեղ սահում են նաև չմուշկներով, զբաղվում են լեռնադահուկային սպորտով՝ թե՛ սիրահարները, թե՛ պրոֆեսիոնալները:
Հայաստանի բնության, ռելիեֆային ու կենսաբանական բազամազանության մասին արժե հատուկ նշել: Դեռ պրոֆեսոր Ֆլորենսկին է նշել, որ այս երկրում հյուսիսից հարավ 600 կմ անցնելով կարելի է հանդիպել տարվա բոլոր եղանակներին: Դուք կտեսնեք վեհապանծ լեռներ ու բերքառատ հարթավայրեր, մերձալպյան ու տափաստանային մարգագետիններ: Հիացմունք են առաջացնում սաղարթախիտ անտառները (կաղնի, բոխի), յուրահատուկ բուսական (կարմրածառերի, սոսիների ու հաճարենու պուրակներ) ու կենդանական (խոզուկ, վարազ, մուֆլոն, քարայծ) աշխարհը: Այս ամենի շնորհիվ Հայաստանում առավել ճանաչված են դառնում էկոտուրիզմն ու ագրոտուրիզմը:
Հայկական խոհանոցը նույնպես անտարբեր չի թողնի ձեզ:
Ճամփորդությունների ժամանակ դուք կարող եք վայելել հիանալի ու նրբահամ ազգային կերակրատեսակները. Հյուրընկալ ու սիրալիր տանտերերը կառաջարկեն նաև համտեսել հայկական նրբահամ գինի ու կոնյակ:
Ճանապարհորդություն Հայաստան
Հայաստանը ոչ միայն իր տարածաշրջանի, այլև ողջ աշխարհի հնագույն պետություններից է: Այս երկրի այժմյան տարածքը պատմական Հայաստանի ընդամենը մի փոքր մասն է, որտեղ դուք կարող եք տեսնել շատ հետաքրքիր, անսովոր ու զարմանալի առարկաներ ու երևույթներ, իմանալ քչերին հայտնի ու հետաքրքիր շատ բաներ:
Հայաստանի առողջարանային քաղաքները
Հայաստանը հարուստ է տեսարժան վայրերով, զբոսաշրջային ու հանգստի գոտիներով:
Հայաստանի որոշ վայրեր վերածվել առողջարանային քաղաքների, որոնք ամեն տարի ունենում են բազմաթիվ թե՛ տեղացի, ու թե՛ արտերկրից ժամանած հյուրեր: